《迴響-粵語文化期刊-》2023年總期數第30期，經已正式出版。
◆文化專題：粵語失，求諸野？【喺加拿大、美國、日本學廣東話】 喺香港地，講廣東話係咪理所當然永恒不變？ 你有冇喺巴士地鐵麥記大家樂冒險樂園，聽過啲小朋友圍埋都唔係講廣東話？ 正當香港人淡然望住廣東話正悄然由下而上消失， 遠喺世界其他角落，有人為咗學好廣東話，喺度默默努力。 今期遠洋訪問三個國家嘅粵語中心，原來喺外國，有好多人對廣東話都好熱情。 有華僑想用粵語保留自己嘅身份、有移民二代想延續地區百年粵語文化， 仲有外國人太愛香港，而搞咗間語言學習中心教廣東話。 同熱愛這片土地，大家都冇咩理由冷待屬於我哋嘅母語。